வாழைப்பூ வடை

வாழைப்பூ வடை


தேவையான பொருட்கள்:-

வாழைப்பூ - 1
வெங்காயம் - 15
கொத்தமல்லி - 1 கட்டு
கறிவேப்பிலை - சிறிது
கடலை பருப்பு - 1 கப்
சோம்பு - 1 தேக்கரண்டி
மிளகாய் வத்தல் - 4
உப்பு - தேவையான அளவு
எண்ணெய் - பொரிக்க தேவையான அளவு




செய்முறை :-

1) கடலைபருப்பை ஊறவைத்து எடுத்துக் கொள்ளவும்.

2) கடலைபருப்பு, சோம்பு, மிளகாய்வத்தல், உப்பு போட்டு சிறிது
கொர கொரப்பாக ஆட்டிக் கொள்ளவும்.

3) வாழைப்பூவை சுத்தம் செய்து வைத்துக் கொள்ளவும்.

4)வாழைப்பூ, வெங்காயம், கொத்தமல்லி,கறிவேப்பிலை ஆகியவற்றை மிகவும்
பொடியாக நறுக்கிக் கொள்ளவும்.



5) அரைத்த கலவையுடன் நறுக்கியவற்றையும் போட்டு கிளறிக்
கொள்ளவும்.

6) அதை சிறிய சிறிய உருண்டையாக உருட்டி வடையாக
தட்டி போட்டு எண்ணெயில் போட்டு பொரித்து எடுக்க வேண்டியதுதான்.

சுவையான வாழைப்பூ வடை தயார்.